Scéim Deontais EV um Bonneagar Athluchtaithe d’Fheithiclí Saothair Éadroim (LDV) ar Bhóithre Náisiúnta
Seoladh an tríú Scéim Deontais ZEVI TII EV um Bonneagar Athluchtaithe d’Fheithiclí Saothair Éadroim (LDV) ar Bhóithre Náisiúnta i mí Feabhra 2025.
Díreoidh an chéim is déanaí seo ar stáisiúin athluchtaithe ardchumhachta a shuiteáil feadh 3,000km de phríomhbhóithre agus de bhóithre tánaisteacha náisiúnta. Cinnteoidh sé seo go mbeidh rochtain iontaofa ag tiománaithe feithiclí leictreacha ar phointí luchtaithe ar fud na tíre.
Is é is aidhm don scéim seo ná borradh suntasach a chur faoi acmhainneacht athluchtaithe feithiclí leictreacha sa tír trí dhíriú ar na nithe seo a leanas:
- Suíomhanna spriocdhírithe: Saoráidí athluchtaithe poiblí ar fáil laistigh de 3km de bhóithre náisiúnta, stáisiúin pheitril, carrchlóis agus ollmhargaí ina measc.
- Maoiniú: Infheistíocht i gcnuasacha athluchtaithe ardchumhachta le haghaidh feithiclí leictreacha
- Cur i bhfeidhm tapa: Seachadadh brostaithe ar bhonneagair athluchtaithe fhorleathain a sholáthar.
An bhfuil tuilleadh eolais uait?
Féach ar an leathanach ar leith atá curtha ar fáil ar tii.ie le tuilleadh sonraí a fháil faoi na riachtanais, an próiseas déanta iarratais agus acmhainní.